ବିକଶିତ ଓଡିଶା ନ୍ୟୁଜ,ବଲାଙ୍ଗିର: ଆଜି ପୂର୍ବାହ୍ନ ୧୧ଟା ସମୟରେ ବଲାଙ୍ଗୀର ଭୀମଭୋଇ ମେଡିକାଲ କଲେଜ ଓ ହସ୍ପିଟାଲରେ ବିଶ୍ୱ ମାନସିକ ସ୍ୱାସ୍ଥ୍ୟ ଦିବସ ଉପଲକ୍ଷେ ଏକ ବିଶେଷ ପ୍ରଚାର ଓ ସଚେତନତା କାର୍ଯ୍ୟକ୍ରମ ଆୟୋଜିତ ହୋଇଥିଲା। ଏହି ବାର୍ଷିକ ଦିବସ ପାଳନର ମୁଖ୍ୟ ଉଦ୍ଦେଶ୍ୟ ହେଉଛି ସାଧାରଣ ଲୋକମାନଙ୍କ ମଧ୍ୟରେ ମାନସିକ ସ୍ୱାସ୍ଥ୍ୟ ସନ୍ଦେଶ ପହଞ୍ଚାଇ ସଚେତନତା ବୃଦ୍ଧି କରିବା ଏବଂ ମନୋରୋଗ ସମ୍ପର୍କରେ ଥିବା ଅଜ୍ଞାନତା ଓ ଲଜ୍ଜା ଭାବକୁ ଦୂର କରିବା।
କାର୍ଯ୍ୟକ୍ରମର ଆରମ୍ଭ ହୋଇଥିଲା ଏକ ସଚେତନତା ରେଲି ସହିତ, ଯେଉଁଠି ଡାକ୍ତର, ନର୍ସ, ଶିକ୍ଷାର୍ଥୀ, ହସ୍ପିଟାଲର ବିଭିନ୍ନ ବିଭାଗର ଅଧିକାରୀ ଓ କର୍ମଚାରୀମାନେ ଭାଗନେଇଥିଲେ। ସେମାନେ ବିଭିନ୍ନ ସ୍ଲୋଗାନ ଓ ପ୍ଲାକାର୍ଡ ଉଠାଇ ମାନସିକ ସ୍ୱାସ୍ଥ୍ୟର ଗୁରୁତ୍ୱ ବିଷୟରେ ସନ୍ଦେଶ ଦେଇଥିଲେ — “ମନକୁ ଅବହେଳା କରନ୍ତୁ ନାହିଁ”, “ମାନସିକ ସ୍ୱାସ୍ଥ୍ୟ ମଧ୍ୟ ଶରୀର ସ୍ୱାସ୍ଥ୍ୟ ପରି ଜରୁରୀ” ପରି ସନ୍ଦେଶ ସହ ଲୋକମାନଙ୍କୁ ଜାଗୃତ କରାଯାଇଥିଲା।
ପ୍ରସଙ୍ଗକୁ ଉଦ୍ଦେଶ୍ୟ କରି ଆୟୋଜିତ ସଭାରେ ବକ୍ତାମାନେ କହିଥିଲେ ଯେ, ଆଧୁନିକ ଜୀବନର ଚାପ, ଚିନ୍ତା ଓ ତନାବ ମାନବ ମନସିକ ସ୍ୱାସ୍ଥ୍ୟକୁ ଭାରି ପ୍ରଭାବିତ କରୁଛି। ସେଥିପାଇଁ ଯଥେଷ୍ଟ ବିଶ୍ରାମ, ସକାରାତ୍ମକ ଚିନ୍ତାଧାରା, ଏବଂ ସହଜୀବନ ମନୋଭାବ ଗଢ଼ି ଉଠିବା ଆବଶ୍ୟକ।
କାର୍ଯ୍ୟକ୍ରମ ଶେଷରେ ମାନସିକ ସ୍ୱାସ୍ଥ୍ୟ ସମ୍ପର୍କରେ ପୋଷ୍ଟର ପ୍ରଦର୍ଶନୀ ଓ ସମ୍ପ୍ରେରଣାଦାୟକ ଅଭିଭାଷଣ ହୋଇଥିଲା। ସମସ୍ତ ଅତିଥି ଓ ଅଂଶଗ୍ରାହୀମାନେ ମନସିକ ସ୍ୱାସ୍ଥ୍ୟ ଉପରେ ଅଧିକ ଗୁରୁତ୍ୱ ଦେବା ଓ ସଚେତନତା ପ୍ରସାର କରିବାକୁ ପ୍ରତିଶ୍ରୁତି ନେଇଥିଲେ।
ସଂଜୀବ କୁମାର ପୁରୋହିତ
Chief Editor
Leave a Reply